4 ta qadam bilan keng tarqalgan savdo xatolarining oldini oling | Deriv Blog

Boshlovchi treyderlar savdoni qoʻrqinchli deb hisoblashadi va xato qilishdan xavotirga tushishadi. Ammo keng tarqalgan savdo xatolari faqat boshlovchilarga xos emasligini bilarmingizmi? Tajribali treyderlar ham xato qiladi. Ularning oldini olish yechimi savdoga tizimli va intizomli yondashuvni shakllantirishda yotadi va ushbu blog buni 4 qadamda qanday amalga oshirishni tushuntiradi.

Treyderlar qiladigan eng keng tarqalgan xatolardan baʼzilari…

…roʻyxatni davom ettirish mumkin. Moliyaviy bozorlar oldindan aytib boʻlmaydigan boʻlsa-da, ushbu 4 bosqichli harakat rejasiga amal qilish orqali bu (va boshqa bir qancha) savdo xatolarining oldini olishga harakat qilishingiz mumkin. Ushbu qadamlar mutlaqo xatosiz emas, lekin yanada masʼuliyatli savdo qarorlari qabul qilish odatini shakllantirishga yordam beradi.

1-qadam – Qaysi savdolarni va qachon boshlashni rejalashtirish

Koʻpchilik oʻylagandek, muvaffaqiyatli savdo qilish omadga emas, balki savdolarni intizomli tarzda rejalashtirishga bogʻliq. Sizning bashoratingiz puxta oʻylangan va bozor sharoitlarini oʻrganishni oʻz ichiga olgan faktlarga asoslangan tadqiqotga tayanishi kerak.

Joriy global va iqtisodiy voqealarni tahlil qilishni oʻz ichiga oladigan savdo rejasini tayyorlang va bozorlar ularga qanday javob berayotganini oʻrganing. Agar tadqiqot va tahlil uchun vaqtingiz cheklangan boʻlsa, bir vaqtning oʻzida 1 yoki maksimal 2 bozorda savdo qilish uchun kamroq kapitaldan foydalaning. Ushbu savdo rejangiz sizga savdo imkoniyatlarini amaliy va obyektiv tarzda tahlil qilishga yordam beradi, shuningdek, qaysi aktiv sizning risk ishtahangizga koʻproq mos kelishini aniqlashga imkon beradi.

2-qadam – Qaysi savdolarni va qachon tugatishni rejalashtirish

Har bir treyder savdoni qachon boshlash haqida oʻylaydi. Lekin uni qachon tugatishni tahlil qilishni ozginasi biladi. Treyderlar bozor teskari harakatlanib, zarar foydga aylanadi degan umidda zararli savdolarda koʻproq zarar koʻradilar. Fundamental va texnik chiqish strategiyasi rejasi sizga hissiy va impulsiv (shoshilinch) savdo yoki zararli savdoni oʻz vaqtida toʻxtatmaslik kabi xatolardan qochishga yordam beradi. Qarshilik va qoʻllab-quvvatlash chiziqlari kabi kalit koʻrsatkichlar bozor kayfiyatini tushunishning faktlarga asoslangan usulidir. Qarshilik va qoʻllab-quvvatlash chiziqlari haqidagi maʼlumotlar, shuningdek, aktiv narxining harakat oraligʻini ham koʻrsatishi mumkin.

Savdo ochishda ushbu maʼlumotdan potensial daromadingizni taʼminlash yoki bozor teskari harakatlanganda zararlarni cheklash uchun savdolarni qaysi narxlarda yopishingizni aniqlashda foydalaning. Ammo eng muhimi, rejangizni oʻzgartirmaslikka harakat qiling, shunda savdo rejangizga koʻra ketmasa, uni obyektiv tarzda boshqara olasiz.

3-qadam – Riskni boshqarish funksiyalaridan foydalaning

Savdo yuqori xavfli faoliyatdir va yuqori xavfli vaziyat bilan kurashishning eng yaxshi usuli — toʻliq tayyorgarlik koʻrgan boʻlsangiz ham, xavfsizlik toʻriga ega boʻlishdir. Ushbu xavfsizlik toʻrigi bozor sizga qarshi harakatlanganda potensial daromadlaringizni taʼminlash va zararlaringizni nazorat qilish uchun riskni boshqarish funksiyalaridan foydalanishdir.

Agar siz turli bozorlardagi aktivlar bilan portfelinini xilma-xillashtiradigan treyder boʻlsangiz, barcha aktivlarning narx harakatini bir vaqtning oʻzida kuzatib bormay va oʻz vaqtida zararlarni toʻxtatib boʻlmasligi mumkin. Bunday holatda, Take Profit va Stop Loss kabi funksiyalar, ayniqsa bozor sharoitlari beqaror boʻlganda, potensial daromadlaringizni taʼminlashga yoki zararlar juda katta boʻlib ketishidan oldin ularni toʻxtatishga yordam beradi.

4-qadam – Moliyaviy bozor tendensiyalari va oʻz savdo uslubingiz haqida bilish uchun kundalik yuritish

Oʻz savdo kuni voqealarini qayd etish uchun kundalikdan foydalaning. Qaysi savdolar foydali boʻlganini va qaysilari boʻlmaganini qayd qiling. Ularning har biriga izohlar qoʻshing va bashoratingizni qaysi maʼlumotlarga asoslaganingizni hamda qaror qabul qilish jarayoniga taʼsir koʻrsatgan har qanday tushuncha yoki oʻtmishdagi saboqlarni yozing.

Sizga obyektiv qolishga yordam berishdan tashqari, ushbu kundalik bozorlarning turli global va iqtisodiy voqealarga qanday javob berishini tushunish va qaysi turdagi treyder ekanglingizni aniqlash uchun foydali boʻladi. Uzoq muddatda savdo xatolaridan qochishni, savdo koʻnikmalaringizni oʻtkirlashni va oʻz savdo uslubingizga mos savdo rejasini ishlab chiqishni oʻrganasiz.

Yuqoridagi 4 qadam boshlovchi va tajribali treyderlarga doimiy oʻrganish, amaliyot va intizom orqali savdo koʻnikmalarini takomillashtirishga yordam beradi.

Biroq, qaysi bozorda savdo qilishni bilmasangiz, riskni boshqarish funksiyalaridan qanday foydalanishni bilmasangiz yoki savdo strategiyasini sinab koʻrmoqchi boʻlsangiz, virtual mablagʻ bilan toʻldirilgan demo hisob bilan xavfsiz ravishda amaliyot qiling. Bugun roʻyxatdan oʻting va ushbu qadamlarni sinab koʻring.