Men FOMC haftaligi uchun AI makro boshqaruv panelini yaratdim

So'nggi 33 yildagi eng bo'lingan FOMC o'z bayonnomasini hozirgina e'lon qildi. Uch haftadan so'ng, yangi rais o'zining birinchi yig'ilishini o'tkazadi. Agar siz makro savdo bilan shug'ullansangiz va hozirdan 17-iyungacha bo'lgan vaqt oralig'ida jarayonlaringizni makro savdo strategiyalari hamda mutaxassislar fikrlari orqali mustahkamlamagan bo'lsangiz, keyingi uch haftani yangiliklarni o'qish o'rniga ularga reaksiya bildirish bilan o'tkazasiz.

Qani, boshladik.

29-aprel kuni Fed 8-4 ovoz bilan stavkalarni 3.50–3.75% darajasida saqlab qoldi. Bu 1992-yil oktyabridan beri bitta yig'ilishdagi eng ko'p e'tirozlardir. Gubernator Stephen Miran stavkani 25 bazis punktga pasaytirishni xohladi. Prezidentlar Hammack, Logan va Kashkari stavkani saqlab qolishdi, ammo bayonotdagi yumshatishga qaratilgan ohangga qarshi chiqishdi. To'rtta e'tiroz, uchta turli sabab. 20-may kuni e'lon qilingan bayonnoma ushbu bo'linishni tasdiqladi: ko'pchilik, agar inflyatsiya doimiy ravishda 2% dan yuqori bo'lib qolsa, ba'zi siyosiy choralarni kuchaytirish to'g'ri bo'lishini ta'kidladi, ozchilik esa dezinflyatsiya tiklanganda yana stavkani pasaytirishga umid qilmoqda.

Kevin Warsh 16-17 iyun kunlari 17-Fed raisi sifatida aynan shunday muhitga kirib keladi. 13-may kuni Senatda 54-45 ovoz bilan tasdiqlangan. Uch haftadan keyin uning birinchi yig'ilishi bo'lib o'tadi. Powell esa gubernator sifatida o'z lavozimida qoladi. 

Demak, asosiy savol "Fed nima qiladi?" emas. Savol shuki: hozirdan 17-iyungacha bo'lgan vaqt oralig'ida bozorning Fed nima qilishi haqidagi fikri qanday o'zgaradi va bunday holatda qaysi aktivlarning narxi birinchi bo'lib qayta baholanadi.

‍

‍

To'liq jarayon

Intizorlikni saqlab o'tirmayman. Bu mahsulot emas. Bu men har kuni ertalab bajaradigan to'rt narsadan iborat majmua bo'lib, u bitta tamoyilga asoslanadi: kimningdir fikrini o'qishdan oldin birlamchi manbani o'qish.

Haqiqiy jarayon ketma-ketligi quyidagicha:

1. Fed'ning o'z sahifasi. FOMC taqvimi va 28-29 apreldagi bayonnoma sahifasi doim ochiq turadi (Fed veb-saytida uning HTML va PDF shakli mavjud). Asosiy manba shu. Qolgan hamma narsa faqat uning sharhidir. 

2. Diqqat bilan tanlangan taqvim. Hozirdan 17-iyungacha faqat beshta voqea bor: 28-may kuni aprel oyidagi PCE, 5-iyunda may oyidagi NFP, iyun o'rtalarida may oyi CPI, 17-iyunda FOMC qarori va xuddi shu kuni Warsh'ning birinchi matbuot anjumani. Boshqa hech narsa yo'q. Ko'pgina makro taqvimlar haddan tashqari chalg'ituvchi bo'lgani uchun unchalik foydali emas. 

3. AI'dan fikrlash emas, o'qish qatlami sifatida foydalanish. Men bayonnomaning to'liq PDF formatini Perplexity'ga yuklayman. Claude yoki ChatGPT ham xuddi shunday ishlaydi; iqtiboslarga bog'langan natijalarni olish uchun aynan Perplexity'dan foydalanaman. Uzoq matnli fayllar uchun ushbu vosita har bir so'zni o'qib chiqish o'rniga eng muhim qismlarni ajratib oladi, shuning uchun men xulosani boshlang'ich nuqta sifatida qabul qilaman va muhim detallarni haqiqiy hujjat bilan solishtirib tekshiraman. 

4. Uni narxga bog'laydigan kuzatuv ro'yxati. Qisqa muddatli Treasury daromadliligi (Front-end Treasury yields), dollar, oltin, bitta aksiyalar indeksi. Agar siyosat haqidagi xabarlar haqiqiy bo'lsa, bozor uni allaqachon qayerdadir qayta baholayotgan bo'ladi. Grafikka qarab, bu birinchi bo'lib qayerda yuz berayotganini bilib olishingiz mumkin. Hammasi shundan iborat.

Hech qanday maxsus GPT, Zapier yoki murakkab boshqaruv paneli yo'q.
Asosiy ish sun'iy intellektga beriladigan to'g'ri ko'rsatmalarda (prompts), vositalarda emas.

Men har kuni ishlatadigan uchta so'rov

Men ularni har kuni ertalab, xuddi shu tartibda, FOMC bayonnomasi biriktirilgan yagona Perplexity muloqot oynasida ishga tushiraman. Ulardan nusxa olishingiz mumkin.

1-so'rov — hujjatni to'g'ri o'qib chiqish:

"Biriktirilgan '2026-yil 28-29 apreldagi FOMC bayonnomasi'ni o'qib chiqing. Siyosat bo'yicha asosiy kelishmovchiliklarni qisqacha bayon qiling. 8-4 ovoz berish natijalariga, inflyatsiya va energiya narxlari atrofidagi gaplarga hamda Yaqin Sharqqa qilingan havolalarga alohida e'tibor bering. Muhim ahamiyatga ega bo'lgan jumlalarni to'g'ridan-to'g'ri iqtibos qilib keltiring."

‍

2-so'rov — oldingi yig'ilish bilan solishtirish:

"Aprel oyidagi bayonnoma hamda 2026-yil mart oyidagi FOMC bayonoti va bayonnomasini o'zaro solishtiring. Ohangda, tavakkalchiliklarni baholashda va keyingi qadam bo'yicha fikrlar muvozanatida qanday o'zgarishlar yuz berdi?"

3-so'rov — bozor bilan bog'lash:

"Aprel oyidagi bayonnomadan kelib chiqib, 16-17 iyun kunlaridagi yig'ilish arafasida qaysi aktivlar eng ko'p ta'sir doirasiga tushadi: qisqa muddatli Treasury daromadliligi (front-end Treasury yields), dollar, oltin yoki AQSh aksiyalari? Hozirgi bozor konsensusini bekor qilishi mumkin bo'lgan uchta ssenariyni keltiring."

Eng muhimi uchinchi so'rov. Dastlabki ikkitasi menga konsensusni ko'rishga yordam beradi. Uchinchisi esa eng noqulay vaqtda unga qo'shilib qolishimdan asraydi.

Nima uchun bu ish jarayoni ishonchli?

"Savdo uchun AI" haqidagi ko'plab kontentlar keragidan ortiq va'da beradi. Bu model siz bilmagan nimadir narsani bilishini yoki avtomatlashtirish siz va bozor o'rtasidagi bo'shliqni yopishini anglatadi. Ammo aslo bunday emas.

U sizdan ko'ra tezroq o'qishi, siz bir vaqtda ochib turishingiz mumkin bo'lganidan ko'proq manbalarni umumlashtirishi va nimalar o'zgarganini yuzaga chiqarishi mumkin. Agar unga bashoratchi emas, balki tadqiqot bo'yicha yordamchi sifatida qarasangiz, bu haqiqiy foydadir. Ustunlik faqatgina AI'dan iborat emas. Ustunlik — hamma u haqidagi turli xil qarashlarni o'qiyotgan bir paytda birlamchi manbani o'qish va ertalab soat 7 da o'zingiz uddalay oladiganingizdan ko'ra hujjatni diqqat bilan o'qib chiqish uchun aqlli AI vositalaridan foydalanishidadir.

Men ushbu uchta so'rovni bayonnoma chiqqan kuni, 20-may kuni ishga tushirdim. Men natijani saqlab qo'ydim. Bu mening sanasi aniq bo'lgan boshlang'ich nuqtam: men nimani muhim deb bildim, bozor e'tiborini nimalarga qaratishini kutdim, 17-iyungacha qaysi ssenariylarni amalda ko'rib chiqdim. Yig'ilishdan so'ng, nimalar o'zgarishi haqidagi taxminlarimni haqiqatda nimalar o'zgargani bilan solishtiraman.

Bu ushbu yo'nalishda malaka oshirishning yagona ishonchli usuli. Buni deyarli hech kim qilmaydi, chunki deyarli hech kim voqeadan oldin biror narsa yozib qo'ymaydi. Ular shunchaki o'zlari to'g'ri topgan kichik qismlarnigina eslab qolishadi.

Qaydlar bilan olib borilgan ish jarayoni o'z-o'zingizni aldamaslik uchun ancha foydali. Bu har qanday xulosadan ko'ra qimmatliroqdir.

Hozirdan 17-iyungacha bo'lgan vaqt davomida nimalarni kuzatyapman?

Aprel oyidagi bayonnoma aniq bir reja taqdim etdi. 

Inflyatsiya sekin tushmoqda, bunga qisman energiya sabab bo'lsa, qisman Yaqin Sharqdagi vaziyatning rivojlanishi istiqbolga yangi noaniqlik qatlamini qo'shgani sabab bo'lmoqda. Qo'mita "biz siyosatni qat'iylashtirishimiz kerak bo'lishi mumkin" va "mehnat bozori zaiflashsa, stavkalarni pasaytirishimiz kerak bo'lishi mumkin" degan fikrlar o'rtasida bo'linib ketgan. Har ikki qarash ham faktlar bilan dalillangan. Aynan shu narsa vaziyatni murakkablashtiradi. 

Warsh o'zining birinchi yig'ilishida vaziyatni barqaror ushlab turadi deb taxmin qilish jozibali tuyuladi, chunki yangi raislar odatda shunday yo'l tutishadi. Balki. MUFG allaqachon stavkalarning birinchi pasaytirilishi bo'yicha kutilmalarini yilning oxiriga surib qo'ydi, bunga qisman uning ta'siri ham bor.

Biroq, uning birinchi yig'ilishidagi eng katta xavf siyosatdagi kutilmagan o'zgarish emas. Bu nutq jarayonidir. 

Yangi rais, matbuot anjumanining yangicha uslubi, qaysi ko'rsatmalarga e'tibor qaratilishi bo'yicha yangicha yondashuv. Bozorlar ohang o'zgarishini siyosat o'zgarishi sifatida qabul qiladi. Volatillik ana shunda yotadi. Ish jarayoni ohangni bashorat qilmaydi. U bozor qachon bu holatga nisbatan ortiqcha munosabat bildirayotganini payqashga yordam beradi.

Xulosa qilib aytganda…

Men bu orqali qandaydir bashorat qilish tizimini nazarda tutganim yo'q. Qat'iy ma'noda u sizning savdodagi ustunligingizga ham aylanib qolmaydi. Shuningdek, bu siyosiy munozaralarni tushunishning o'rnini ham bosa olmaydi.

Bu keyingi uch haftadagi sarlavhalarning chalkashliklarni yanada murakkablashtirishiga yo'l qo'ymaslik usulidir.

17-iyun kuni tayyorgarlik ko'rgan treyderlar va 17-iyun kuni shunchaki munosabat bildiradigan treyderlar o'rtasidagi farq keyingi uch haftadan qay darajada to'g'ri foydalanishganiga bog'liq bo'ladi. Men yangi rais kirib kelishidan oldin vaziyatni oldindan o'rganish uchun o'z vaqtimdan unumli foydalanyapman.

Agar siz ham bu jarayondan nusxa olmoqchi bo'lsangiz, u mana shu yerda. To'rtta varaq, uchta so'rov, bitta tamoyil: kimdir Fed haqida o'qiganlarini tahlil qilishini o'qishdan oldin, o'zingiz Fed'ni o'qib chiqing. Va kelajakdagi o'zingiz o'tmishdagi o'zingizga shunchaki hissiyotlardan tashqari boshqa narsalar bilan baho berishi uchun natijani saqlab qo'ying.

‍